Google ၏ ပထမဆုံး Tablet Nexus 7

 ယမန်နေ့က ကျင်းပပြုလုပ်သည့် Google ၏ နှစ်ပါတ်လည် I/O Conferance တွင် Nexus 7 ဟုအမည်ပေးထားသည့် Tablet အသစ်တစ်မျိုးကို မိတ်ဆက်ပြသလိုက်ခြင်းဖြင့် ယှဉ်ပြိုင်မှု ပြင်းထန်လှသည့် Tablet ဈေးကွက်အတွင်းသို့ ၀င်ရောက်လာခဲ့သည်။ နာမည်ကျော် Electronic ပစ္စည်းများ ထုတ်လုပ်ဖြန့်ဖြူးသည့် ကုမ္ပဏီတစ်ခုဖြစ်သည့် ASUS နှင့် ပူးပေါင်းထုတ်လုပ်သည့် အဆိုပါ Tablet ၏ မျက်နှာပြင် အရွယ်အစားမှာ ခုနှစ်လက်မဖြစ်ပြီး ပြတ်သားမှုမှာ 1280x800 (Resolution ) ရှိသည်။ Nvidia Tegra 3 Quad-Core (1.3 Ghz) ကိုအသုံးပြုထားသည့် ပထမဆုံး ခုနှစ်လက်မ Tablet ဖြစ်ကာ 12 Core Graphic GPU ကိုအသုံးပြုထားသည်။ အခြား အချက်အလက် အချို့နှင့် ပါဝင်သည့် Connection Port များအနေနှင့် Micro USB ပေါက်တစ်ခု၊ RAM 1GB မျက်နှာပြင်ဘက်တွင် 1.2 Megapixel Camera (နောက်ကျောဘက်တွင် ကင်မရာ မပါရှိပေ) Gyroscope, Accelerometer, Microphone နှင့် 802.11a/b/g/n-compatible Wi-Fi ချိတ်ဆက်နိုင်မှု တို့ဖြစ်သည်။

10.45 mm အထူရှိပြီး 340g အလေးချိန် ရှိကာ နောက်ကျောဘက်ကာဗာတွင် NEXUS နှင့် ASUS စာလုံးတို့ကို ထွင်းစာလုံး ဒီဇိုင်းဖြင့် ပြုလုပ်ထားသည်။ ASUS ၏ မြင့်မားသော နည်းပညာနှင့် တိကျသေသပ်စွာ တည်ဆောက်ထားသည့် ဘော်ဒီသည် ကိုင်တွယ်အသုံးပြုရာတွင် မြဲမြံမှုနှင့် အဆင်ပြေလွယ်ကူမှုတို့ ရှိရုံသာမက IPS Screen နည်းပညာကလည်း Amazon Kidle Fire အပါအ၀င် အခြားသော Android Tablet အများစုထက် View Angle နှင့် ကာလာအရည်အသွေး တို့တွင် သာလွန်ကောင်းမွန်သည်။

Nexus 7 သည် Google ၏ နောက်ဆုံး OS Version ဖြစ်သည့် Android 4.1 ( ကုတ်အမည် Jelly Bean) ကိုအသုံးပြုသည့် ပထမဆုံး ပစ္စည်း ဖြစ်သည်။ အနည်းငယ် ပြင်ဆင် မွမ်းမံမှုများ ပြုလုပ်ထားသည့် OS Version အသစ်တွင် Apple ၏ Siri ကဲ့သို့ အသံဖြင့် ခိုင်းစေနိုင်သည့် Voice Commend နှင့် စာရိုက်ရာတွင် ပိုမို တိကျကောင်းမွန်စေမည့် မွမ်းမံမှုများ စသည်တို့ပါဝင်သည်။ အားနည်းချက် အနေဖြင့် SD Card Slot မပါရှိသဖြင့် Storage Memory တိုးချဲ့မှု မပြုလုပ်နိုင်ခြင်း နှင့် နောက်ဘက် ကင်ရာမပါရှိခြင်းတို့က အချို့သော သူများအတွက် အခက်အခဲ ကြုံရနိုင်သော်လည်း ၎င်း ၏ US $ 199 ( ကျပ်တစ်သိန်း ခုနှစ်သောင်းကျော်ခန့်) ဆိုသော ဈေးနှုန်းကြောင့် များစွာ ဆွဲဆောင်မှု မြင့်တက်လာစေသည်။ လက်ရှိ ဈေးကွက်ကို ကြီးစိုးထားသည့် Apple မှ Ipad ကို ယှဉ်ပြိုင်ရန် မလွယ်ကူသေးသော်လည်း ဈေးနှုန်း မတိမ်းမယိမ်း နှင့် OS အမျိုးအစားတူ အခြားသော Tablet များကိုမူ ကျော်ဖြတ်၍ ဈေးကွက် ရှေ့တန်းသို့ ရောက်လာမည်ဟုလည်း ခန့်မှန်း ထားကြသည်။ အထူးသဖြင့် လက်ရှိဈေးကွက်၏ အရောင်းရဆုံး ဒုတိယ နေရာလောက်တွင် ရရှိထားသော Amazon Kindle Fire အမျိုးအစား Tablet အတွက် လှုပ်ခတ်မှုများစွာ ဖြစ်လာလိမ့်မည်ဟု ကြိုတင်ခန့်မှန်းလျက် ရှိကြောင်း တင်ပြလိုက်ရပါသည်။

ကိုငယ် (မန္တလေး)

ကိုးကား - Cnet Reviews, Techradar, PC World