အိန္ဒိယ ကျေးရွာများ၏ ဘ၀ကိုပြောင်းလဲစေခဲ့သော နေရောင်ခြည်စွမ်းအင်သုံး အသေးစား လျှပ်စစ်ထုတ်လုပ်ငန်းများ

အိန္ဒိယ၏ များပြားလှသော လူဦးရေ ကျယ်ပြန့်လှသည့် နိုင်ငံအကျယ်အ၀န်း အကန့်အသတ်ဖြင့်သာ ဖော်ဆောင်နိုင်ခဲ့သော လျှပ်စစ်ထုတ်လုပ် ဖြန့်ဖြူးရေး 

လုပ်ငန်းစဉ်များ၏ နောက်တွင် မြောက်များလှစွာသော ကျေးရွာများတွင် နေထိုင်သည့် သန်း ၄၀၀ ခန့်သော ကျေးလက်နေပြည်သူတို့မှာ လျှပ်စစ်မီး မရရှိဘဲ အချို့သော ကျေးရွာများရှိ လူများမှာ လျှပ်စစ်မီးကို လုံးဝမမြင်ဘူးကြသည်ပင်ရှိကြသည်။ အဆိုပါ ကျေးရွာများတွင် ညအခါ အလင်းရောင်ရရှိရန် ရေနံဆီ မီးခွက်များကိုသာ အားကိုးထွန်းညှိကြရပြီး ကလေးငယ်များနှင့် သက်ကြီးရွယ်အိုများသည် ၎င်းရေနံဆီမီးခွက်များမှ မီးလောင် ထွက်ရှိသော မီးခိုးငွေ့များကြောင့် ကျန်းမာရေးထိခိုက်ခြင်း၊ ကလေးငယ်များ မတော်တဆ ရေနံဆီကို မှားယွင်းသောက်သုံးမိခြင်း စသည့် ကျန်းမာရေးပြသနာများအပြင် မီးဘေးအန္တရာယ် နှင့် ကျောင်းသားအရွယ် ကလေးငယ်များ ညအချိန် စာကြည့်ရန် ခက်ခဲမှုများ စသည့် အခက်အခဲများလည်းရှိကြသည်။

အမေရိကန်နိုင်ငံဖွား Nikhil Jaisinghani နှင့် Brian Shaad ဆိုသူ စွန့်ဦးတီထွင်သူ နှစ်ဦးသည် အဆိုပါကျေးလက်နေ အိန္ဒိယပြည်သူများ၏ အခက်အခဲများကို ကူညီဖြေရှင်းရန် အသေးစား နေရောင်ခြည်စွမ်းအင်ဖြင့် လျှပ်စစ်ထုတ်သည့် ဆက်ကြောင်းတစ်ခုကို အိန္ဒိယမြောက်ပိုင်းရှိ Uttar Pradesh ပြည်နယ် ကျေးရွာတစ်ခုတွင် စတင် စမ်းသပ်တပ်ဆင်ခဲ့ကြသည်။ ကနဦးက အလင်းရောင်ရရှိရန်ကိုသာ ရည်ရွယ်၍ LED မီးလုံးများကိုသာ တပ်ဆင်ပေးခဲ့ကြသော်လည်း နောက်တွင် ရွာသားတို့၏ မိုဘိုင်းဖုန်းများ အားသွင်းရန်လည်း လိုအပ်ချက်တစ်ခု ဖြစ်ကြောင်း သိရှိလာ၍ အိမ်များတွင် LED မီးလုံးများအပြင် ဖုန်းအားသွင်းရန် ပလပ်တစ်ခုကိုပါ ထပ်မံထည့်သွင်းခဲ့ကြသည်။

၎င်းတို့၏ အဖွဲ့အစည်းကို Mera Gao Power ဟု အမည်ပေးထားပြီး ကျေးရွာများကို အနည်းငယ်မျှသော ကနဦးတပ်ဆင်ခ နှင့် ရက်သတ္တပါတ်လျှင် ၂၅ ရူပီး (၃၈၀ ကျပ်ခန့်) ဖြင့် တစ်အိမ်လျှင် LED မီးလုံး ၂လုံး မိုဘိုင်းဖုန်းအားသွင်းရန် ပလပ်တစ်ခု တပ်ဆင်ပေးထားကာ ညစဉ် ၇ နာရီခန့် လျှပ်စစ်ဖြန့်ဖြူးပေးသည်။ ၎င်း စံနစ်သည် အလွန်ရိုးရှင်းပြီး System တစ်ခုတွင် ကျေးရွာရှိ အိမ်ခြေပေါ်မူတည်၍ Solar Panel ၂ပြားမှ ၄ပြား

ဘက်ထရီအိုးအနည်းငယ်နှင့် လျှပ်စစ်သွယ်တန်းပေးသည့် ကြိုးများ စသည်တို့သာဖြစ်သည်။ များသောအားဖြင့် အိမ်ခြေ ၅၀ မှ ၁၀၀ အထိ ဖြန့်ဖြူးပေးနိုင်ကာ ၎င်းတို့အတွက် စုစုပေါင်း ကုန်ကျစရိတ် အမေရိကန်ဒေါ်လာ ၁၂၀၀ ( ကျပ်ဆယ်သိန်း သုံးသောင်းခန့်) ကျသင့်သည်ဟုဆိုသည်။ အဆိုပါ လုပ်ငန်းစဉ်ဖော်ဆောင်မှု အတွက် အမေရိကန်နိုင်ငံ USAID အဖွဲ့မှ ချေးငွေဖြင့်စိုက်ထုတ်ရင်းနှီးပေးထားကာ ပြန်လည်ကောက်ခံရရှိသော ငွေဖြင့် အခြားသော ကျေးရွာများကို ဆက်လက် တပ်ဆင်ပေးသွားမည်ဖြစ်သည်။ ၂၀၁၂ နှစ်ကုန်ခန့်တွင် Uttar Pradesh ပြည်နယ်အတွင်းရှိ ကျေးရွာပေါင်း ၇၀ ခန့်ကို တပ်ဆင်ပေးသွားနိုင်ရန် ရည်ရွယ်ထားသည်ဟု ဆိုပါသည်။

ရက်သတ္တပါတ်လျှင် ရေနံဆီဖိုးနှင့် တယ်လီဖုန်း အားသွင်းခအတွက် ရူပီး ၃၀ ခန့် ပျမ်းမျှ ပုံမှန် သုံးစွဲနေရသော ကျေးလက်နေပြည်သူများအဖို့ ၎င်းတို့၏ စံနစ် ၀န်ဆောင်ခ ၂၅ရူပီး ပေးဆောင်ရခြင်းသည် ငွေပမာဏအနေဖြင့် ထူးခြားသော ပြောင်းလဲမှုဟု မဆိုနိုင်သော်လည်း ၎င်းတို့၏ LED လျှပ်စစ်မီးကြောင့် အထက်တွင် ဖော်ပြခဲ့သော ကျန်းမာရေး ဆိုင်ရာ ပြဿနာများ များစွာ လျော့ကျသွားသည့်အပြင် အိမ်ရှင်မ များနှင့် အချို့သော အိမ်သားများ ညဘက် အလုပ်လုပ်ခြင်းဖြင့် အပိုဝင်ငွေရရှိလာခြင်း၊ ကျောင်းနေအရွယ် ကလေးငယ်များ စာဖတ် စာကြည့်နိုင်လာခြင်း တို့အပြင် အခြားသော ပြင်ပ ကမ္ဘာမှ လူသားများနည်းတူ မိမိ တို့တယ်လီဖုန်းကို မိမိအိမ်တွင်ပင် အားသွင်းနိုင်လာခြင်း စသည့် ကောင်းမွန်သော ပြောင်းလဲခြင်း ရလာဒ်များစွာ ရရှိလာကြသည်။

အစောဆုံး စတင်တပ်ဆင်ခဲ့စဉ်က ကုန်ကျငွေနှင့် ပြန်လည်ကောက်ခံရရှိငွေ အနည်းငယ် မမျှမတ ဖြစ်ခဲ့သည့်အတွက် ရွာသားများ၏ ငြိုငြင်မှုခံခဲ့ရခြင်း၊ ထို့ပြင် ရွာသားများအား ငွေကောက်ခံသည့် အလုပ် လုပ်ကိုင်စေရာတွင် ပျက်ကွက်သည့် အိမ်ထောင်စုများအား လျှပ်စစ်မီးဖြတ်တောက် အရေးယူရာ၌ ရွာသားခြင်းဖြစ်နေသည့်အတွက် အရေးယူရန် ခက်ခဲနေရခြင်း စသည် လုပ်ငန်းများ စတင်လုပ်ကိုင်ခဲ့ကြစဉ်က အခက်အခဲများစွာရင်ဆိုင် ကြုံတွေ့ခဲ့ရပုံကို Jaisinghani က ယခုကဲ့သို့ပြန်ပြောင်းပြောပြသည်။ ထို့ပြင် ယခုကဲ့သို့ USAID ၏အကူအညီ အထောက်အပံ့ မရရှိသေးခင်က ငွေကြေး ထပ်မံစိုက်ထုတ်ရန် ပြတ်လပ်သွားသည့်အတွက် လုပ်ငန်းများ ရပ်ဆိုင်းသွားရတော့မည့် အခြေအနေမျိုးအထိ ရောက်ရှိခဲ့ရပုံတို့ကိုလည်း ပြောပြခဲ့သည်။

ယနေ့အချိန်တွင် Mera Gao Power အနေဖြင့် ကျေးရွာပေါင်း ၁၃ရွာတွင် နေရောင်ခြည်စွမ်းအင်သုံး လျှပ်စစ်ထုတ်ယူဖြန့်ဖြူးသည့်စံနစ်များ တပ်ဆင်ခဲ့ပြီး ဖြစ်သည့်အပြင် အဆိုပါ ၀န်ဆောင်မှု ရရှိသည့် ကျေးရွာသား များမှာလည်း များစွာ ကျေနပ် ပျော်ရွှင်လျက်ရှိကြသည်။ ထို့ပြင် ကုမ္ပဏီ၏ ၀န်ဆောင်မှုနှင့် အကျိုးအမြတ်သည်လည်း ထိုက်သင့်သလောက် ရည်မှန်းချက်ပြည့်မှီလာခဲ့ပြီဖြစ်သည်။ လာမည့်နှစ်တွင် အတွေ့အကြုံပိုမိုပြည့်ဝသည့် CEO တစ်ဦး ခေါ်ယူခန့်ထားရန် စီစဉ်ထားပြီး နောင်တွင် ကျေးရွာများ တိုးချဲ့တပ်ဆင်ခြင်းအပြင် ၀န်ဆောင်မှုကိုလည်း တီဗွီနှင့် ပန်ကာကဲ့သို့ သော ပစ္စည်းများ သုံးစွဲလာနိုင်ရန်အထိ တိုးချဲ့သွားရန် ရည်ရွယ်ထားသည်ဟု ပြောပြခဲ့ပါကြောင်း တင်ပြလိုက်ရပါသည်။

ကိုငယ် (မန္တလေး)