HTC One X Review

HTC မှ လက်ရှိ Smart Phone များထဲတွင် စွမ်းရည်အမြင့်ဆုံး ဟုဆိုရမည့် မိုဘိုင်းဖုန်း မော်ဒယ်အသစ် HTC One X ကိုပွဲထုတ်လိုက်ပါသည်။ ပြီးခဲ့သည့်နှစ်က အောင်မြင်မှု ရရှိခဲ့သည့် HTC Desire ၏အရှိန်အဟုန်ကိုဆက်လက်ထိမ်းသိမ်းရန် စွမ်းရည်အမြင့်ဆုံး Processor , High Definition Screen နှင့် အလွန်ပါးလျသည့် ဘော်ဒီအသစ်တို့ဖြင့် အဆန်းသစ်ဆုံးဖြစ်အောင် ထုတ်လုပ်ထားခြင်းဖြစ်သည်။ Nvidia ၏ Tegra 3 Quad core CPU ကိုအသုံးပြုထားပြီး ထွက်ပြီးသမျှ HTC ဖုန်းများထဲတွင် Screen Size အကြီးဆုံးဖြစ်ကာ လတ်တလောတွင် အကောင်းဆုံး Mobile Phone အဖြစ် ရှုမြင်ထားကြပါသည်။ ၎င်းဖုန်း ထုတ်လုပ်လိုက်ခြင်းအားဖြင့် HTC သည်လည်း ပိုမို၍ အဆင့်မြင့်သော နေရာတစ်ခုကို ရောက်ရှိသွားပြီဟု ဆိုနေကြသူများလည်း ရှိနေပေသည်။

HTC Legend နှင့် ၎င်းနောက်ပိုင်း မော်ဒယ်များမှ စတင်၍ ထူးခြား ပြောင်မြောက်သော မိုဘိုင်းဖုန်း ဒီဇိုင်းများစွာ ထုတ်လုပ်လာခဲ့ရာ HTC One X သည် ထိုမော်ဒယ်များစွာတို့၏ လှပသော ကောက်ကြောင်းများ စုစည်း ပေါင်းစပ်ထုတ်လုပ်ထားသည့် HTC ၏ Master Piece လက်ရာတစ်ခုဟု ဆိုနိုင်သည်။ သို့ရာတွင် အတော်အတန် ကြီးမားသော Display ကြောင့် မိုဘိုင်းဖုန်း ခပ်ကြီးကြီးများကို မနှစ်သက်သော သူများအတွက်မူ HTC One S ကဲ့သို့သော ဖုန်းမျိုးကိုသာ ပို၍ရွေးချယ်သင့်ပေသည်။ 4.7 inch ရှိသည့် 720p High Definition Display သည် HTC One X ၏အထူး ၀ိသေသ တစ်ခုဖြစ်ကာ 8.9mm သာအထူရှိသည့် ဘော်ဒီတွင် ထည့်သွင်းထားသည်။ Samsung ၏ AMOLED Display ကဲ့သို့ အရောင်များ အလွန်တောက်ပခြင်း မရှိသော်လည်း ၎င်း၏ Super IPS LCD II Display သည် ကြည်လင်ပြတ်သားမှုအားကောင်းပြီး သဘာဝဆန်သည့် အရောင်များဖြင့် Game များနှင့် ရုပ်ရှင်များကို တစ်ကယ့် သဘာဝနှင့်ထပ်တူ ခံစားနိုင်မည်ဖြစ်သည်။

HTC One X တွင် Nvidia ၏ Tegra 3 1.5 GHz Quad Core Processor တပ်ဆင်ထားပြီး ၎င်းတွင် Phone ကိုအသုံးမပြုသည့် အချိန်တွင် ပါဝါစားသက်သာစေရန် Low-power-core တစ်ခုဖြင့် မောင်းနှင်ထားပြီး Application တစ်ခုခု ဖွင့်လိုက်သည်နှင့် တစ်ပြိုင်နက် Main core လေးခုမှ အစားထိုးဝင်ရောက်လာစေမည့် လုပ်ဆောင်ချက်ပါရှိသည်။ Main memory 1GB ပါရှိပြီး Processor ၏စွမ်းရည် မြင့်မားမှုကြောင့် ယခင် Android ဖုန်းများတွင် တွေ့ရသော “Android Lag” ဟုခေါ်သည့် Touch Responsive အနည်းငယ် နောက်ကျခြင်းမှာ မတွေ့ရသလောက်ဖြစ်ကာ Web Browsing ကဲ့သို့ Page Scrolling လုပ်ရာတွင်လည်း အလွန် ချောမွေ့စွာ လုပ်ဆောင်နိုင်သည်။

ကောင်းမွန်စွာ အဆင့်မြှင့်တင်ထားသည့် Optics အရည်အသွေးဖြင့် 8.1 Megapixel ကင်မရာကလည်း 0.7 Sec အတွင်း စတင်နိုင်ကာ မည်သည့် အခိုက်အတန့်မျိုးကိုမဆို အရည်အသွေးမြင့်မားသည့် ပုံများရရှိအောင် မလွတ်တမ်းရိုက်ကူးနိုင်မည် ဖြစ်သည်။ တပ်ဆင်ထားသည့် LED Flash ကလည်း အလင်းရောင်နည်းသည့် နေရာများတွင် ရိုက်ကူးရာ၌ များစွာ အထောက်အကူ ရနိုင်မည်ဖြစ်သည်။ ရှေ့မျက်နှာပြင်တွင် 1.3 Megapixel ကင်မရာပါရှိပြီး Video call ခေါ်ဆိုအသုံးပြုရန်သာမက Self Portriat များရိုက်ကူးရန်အတွက်ပါ အရည်အသွေးကောင်းမွန်စွာ အသုံးပြုနိုင်သည်။ နောက်ဘက်မှ ကင်မရာဖြင့် 1080p Full HD Video ရိုက်ကူးနိုင်ပြီး ရိုက်ကူးနေစဉ်အတွင်း၌လည်း တစ်ချိန်တည်းတွင် Still Image များကိုလည်း ရိုက်ကူးနိုင်သည်။ f/2.0 ထိ အကျယ်ချဲ့နိုင်သော Aperture တပ်ဆင်ထားသည့် Lens နှင့် HTC Image Chip ၏အစွမ်းကြောင့် အလင်းရောင် အားနည်းသည့် အချိန်များတွင်ပါ  ကြည်လင်ပြတ်သားသည့် ပုံများကို ရရှိမည်ဖြစ်သည်။

Video Play back အရည်အသွေးသည်လည်း HTC One X ၏ ကြီးမားသော Screen နှင့် Super LCD တို့၏ High Definition အရည်အသွေးကြောင့် အတော်ပင်ကောင်းမွန်သည်ကို တွေ့ရသည်။ အရိုးသားဆုံး ပြောဆိုရလျှင် အမှောင်ခန်းများသည့် ရုပ်ရှင်များကြည့်ရှုရာတွင် Samsung Galaxy S II ကဲ့သို့သော Super AMOLED Screen များကို မမှီသော်လည်း အခြားသော HTC ဖုန်းများအပါအ၀င် ဈေးကွက်အတွင်းရှိ Smart Phone အများစုထက် သာလွန်ကောင်းမွန်သည်ကိုတွေ့ရသည်။ ၎င်း၏ Main Video Player application တွင်ပါရှိသည့် DLNA streming function က Smart TV များနှင့် Wifi ပါရှိသည့် ကွန်ပျူတာ များတွင် ဗီဒီယိုများကို တိုက်ရိုက်ပြသပေးနိုင်ပါသည်။ ဥပမာ အနေဖြင့် ကားပေါ်သို့မဟုတ် ရထားပေါ်တွင် သင်ကြည့်လက်စ ဗီဒီယိုကားတစ်ကားကို အိမ်သို့ရောက်ရှိချိန်၌ သင်၏ Smart TV Screen ပေါ်တွင် တစ်ဆက်တည်း ဆက်လက်ကြည့်ရှုနိုင်မည်ဖြစ်သည်။

HTC One X တွင်ပါရှိသည့် အသံစံနစ်သည် အထင်ကြီးလောက်အောင်ပင် ကောင်းမွန်သည်ကို တွေ့ရသည်။ ကမ္ဘာကျော် Beats Audio အသံစံနစ်ကို အသုံးပြုထားပြီး နားဆင်ခံစားရာတွင် ထူးခြားသည့် ကွဲပြားခြားနားမှုကို တွေ့ရှိရမည်ဖြစ်သည်။

1800 mAh ပါဝါရှိသည့် Battery တပ်ဆင်ထားပြီး သာမာန် Application များ အသုံးပြုခြင်း နှင့် Web Browsing တို့အတွက် တစ်နေ့တာလုံလောက်စွာ အသုံးပြုနိုင်မည်ဖြစ်သည်။ Battery မှာ ဘော်ဒီအတွင်း အသေမြုပ်တပ်ဆင်ထားခြင်း ဖြစ်သဖြင့် Battery အပိုတစ်လုံးဖြင့် လဲလှယ်အသုံးပြုရန်မှာမူ မဖြစ်နိုင်ပေ။  သို့သော်လည်း ၎င်း၏ low power stanby စံနစ်ကြောင့် Battery ၁၀% ခန့်ကျန်ရှိလျင်ပင် Application များ အသုံးမပြုတော့ပါက Information ရယူရန်သက်သက်အတွက်မူ အချိန်အတန်ကြာ အသုံးပြုနေနိုင်ဦးမည် ဖြစ်သည်။

HTC One X သည် လက်ရှိအနေအထားအရ လိုအပ်သမျှ ပြီးပြည့်စုံအောင် ထည့်သွင်းတည်ဆောက် ထားခြင်းဖြစ်ရာ သင်၏ Android Phone ကို အဆင့်မြှင့်တင်ရန် စောင့်ဆိုင်းနေသူဖြစ်ပါက တစ်ခြား အထွေအထူး ရှာဖွေရန် မလိုတော့ပေ။ အလွန်ကောင်းမွန်သော ကင်မရာ၊ သွက်လက်လှသော မြန်နှုန်း၊ ဆွဲဆောင်မှုရှိသော ဒီဇိုင်းနှင့် ကြည်လင်ပြတ်သားလှသည့် Display အားလုံးတို့မှာ သင့်လိုအပ်ချက်ကို ဖြည့်ဆည်းပေးပေလိမ့်မည်။ အကယ်၍ အနည်းငယ် အချိန်ပေးစောင့်ဆိုင်းနိုင်ပါလျင်မူ Samsung ၏ Galaxy S III က သူ၏ကြိုတင် ကတိများအား မည်မျှလိုက်နာ ဆောင်ရွက်ပေးသည်ကို ကြည့်ရှုရင်းဖြင့် နှိုင်းယှဉ် ချိန်ဆကြည့်နိုင်ပါကြောင်း တင်ပြလိုက်ရပါသည်။

ကိုငယ် (မန္တလေး)